Sucht mich mein Glück am falschen Ort?

Mi Schatte isch scho vor langer Ziit gange, es git nüm grad viu wo mi hie no bhautet. Dr Zitpunkt zum ga isch cho, i ga.
es lohnt sech nid uf irgendöpis ds warte, ussert vilech no uf eim säuber.
Dr Bös isch no jedesmau pünktlech gfahre, weme ke fahrplan het.

Dr letscht Ton isch usklunge, d'Cherze abebrönnt, d'Fläsche läär, u du bisch o nüm da, i ga.
es lohnt sech nid uf irgendöper ds warte, ussert vilech no uf eim säuber.
Dr Bös isch no jedesmau pünktlech gfahre, weme ke fahrplan het.

Nidemau dr Bäsewage vom Glück chunt hie no verbi, da cha dr Kuno no so lang singe, i gloubenim nüt, i ga.
es lohnt sech nid uf irgendöpis ds warte, ussert vilech no uf eim säuber.
Dr Bös isch no jedesmau pünktlech gfahre, weme ke fahrplan het.

Frag mi nid, weni achume, mi Wäg isch uf kere Charte. Nume ds Ziu zeut, u das isch wiit wiit wäg, i ga.
es lohnt sech nid uf irgendeinisch ds warte, gang doch o, mir träffe üs de scho.

Ferdinand Gerhard beantwortet Fragen von Fischli und Weiss. Diesmal mit Widmung an Kathrin und BabAziz.